曾俊華:香港仍是國際金融中心 因至少仍擁有「兩個C」
政治
撰文: 傅流螢
發布時間: 22 小時前
最後更新: 22 小時前
▲ 曾俊華認為香港仍是國際金融中心。(曾俊華Fb圖片)
過去一段時間,不時有人討論,香港是否成為「金融中心遺址」,前財爺曾俊華今日在社交平台話,不論外界怎麼說,他仍然認為,香港是國際金融中心,「因為我哋至少仍然擁有兩個C,即係Convertibility同Connectivity。」他解釋:
香港仲係實施緊一國兩制,一套有別於我哋社會主義國家嘅資本主義制度,我哋有自己可以自由兌換嘅貨幣,實行普通法,可以同唔少已發展經濟嘅制度接軌,呢個係香港獨一無二嘅地方,我相信中央領導,一定唔會放棄香港呢個獨有嘅優勢嘅。
曾俊華又說,香港是否變成「金融中心遺址」,是需要極度關注的問題,因這來之不易,除了需在各方面作出改善,亦要和香港的貿易夥伴,重新打好關係,「因為喺國際間,仍然未斷言放棄香港呢個市場。」
他又提到,最近有一間國際創科龍頭企業,在香港舉行亞太區分部會議,十多人來自日本、韓國及印度等地方,選擇在香港開會,「我覺得佢哋仍然選擇喺香港開亞太區會議,證明佢哋至少到呢一刻,仲當香港係國際金融中心。」
下載HKET App,追蹤TOPick WhatsApp頻道,睇全方位資訊:
撰文 : 傅流螢